Concurso de epitafios. Quentando motores para o Samaín!

Desde o Equipo de Dinamización Lingüística organizamos este ano un concurso de epitafios. Os epitafios son inscricións nunha tumba en memoria da persoa defunta. Como sabemos que a morte pode dar bastante medo, decidimos abordar o asunto desde a comicidade. Os textos que enviardes deberán estar escritos en galego, ser orixinais e humorísticos, de creación propia, e non resultar ofensivos contra colectivos minorizados. Podedes participar todes es alumnes, independentemente do voso nivel educativo (iso si, a participación é individual!). Tendes de prazo para nolos enviardes do 20 de outubro ao 6 de novembro. 



 




















Comentarios

Publicar un comentario

Publicacións populares deste blog

Obradoiro de romance e toponimia con Alba María

Imaxe
Este xoves 28 de setembro tivemos unha visita moi especial en 1º da ESO A: botamos as dúas últimas horas da xornada nun obradoiro sobre a toponimia (os nomes de lugar) da nosa zona e o romance, coa profesora de galego, regueifeira e investigadora da tradición oral e musical Alba María. Xogamos un bingo de topónimos e aprendimos cousas insospeitadas sobre os significados dos nomes de lugares e parroquias, e fixemos un romance colectivo! Cunha protagonista moi especial, Pepiña das Pradeiras. Proximamente teremos o mesmo obradoiro no resto dos primeiros e nos terceiros tamén.  
Ler máis

25N Día Internacional da Eliminación da Violencia contra as Mulleres

Imaxe
Na sexta-feira pasada, xornada previa ao 25N, celebramos no CPI o Día Internacional da Eliminación da Violencia contra as Mulleres. Durante os días previos despregamos un iceberg para visibilizar as violencias, e es alumnes xogaron un Kahoot feminista a partir dos códigos QR que desde Dinamización colamos na cortiza da entrada do edificio de secundaria. Xa no día 24, saímos ao patio nas últimas horas para lermos un manifesto e para danzarmos unhas músicas antipatriarcais. Alén diso, Carla de 4º ESO A cantou para todes o tema Matriarcas , de Guadi Galego.  Aquí van algunhas das fotos dese día e mais o texto base do noso manifesto:   " O machismo fundaméntase na idea de que un pode facer co resto de corpos o que un quere. Pode sometelos, abusar deles. Violalos. O machismo é violencia, abuso e dominio. O capitalismo baséase tamén nunha idea de dominio. Son discursos irmáns. O capitalismo é a produción en masa e a gran escala, é a acumulación de riquezas para unha sociedade que no...
Ler máis

En Barrantes tamén se fala (galego)!

Imaxe
Desde o CPI Julia Becerra Malvar sumámonos á campaña #aquítaménsefala , que tanto está a dar que falar nas redes. Trátase dun proxecto impulsado polo alumnado do IES Rafael Dieste da Coruña, que procura dignificar a lingua alí onde é falada, ben como fomentar o seu uso e botar abaixo os vellos prexuízos que sobre ela recaen. Na pasada cuarta feira un grupo de alumnas de 4º da ESO e mais a coordinadora do Equipo de Dinamización saímos á rúa para colar os cartaces correspondentes ao noso centro nos comercios e bares da vila --e en todos eles a idea foi máis que ben recibida! Para alén diso, andamos a difundir o Entroido galego, declarado patrimonio da humanidade, nas instalacións do centro, e a visibilizar as mulleres que (tamén) fixeron ciencia. Velaquí algunhas fotos do traballo da semana!  
Ler máis